Inuusuttut nipaat: Piumassuseq nukiuvoq

Danmark-imi peqatigiiffiup Ungdomsbureauet-ip atuagaq kalaallit inuusuttut oqaluttuaannik imalik saqqummernikuuaa

Unneqqarinneq sapiissuserlu aqqutigalugit inuusuttut Nunatta Danmarkillu akornanni inuusut inuunerannut isertippaatigut – kulturit marluk, oqaatsit marluk inooriaatsillu marluk akornanni inuuneq.

Oqaluttuat tamarmik kalaallisut qallunaatullu saqqummerneqarnikuupput. Oqaluttuat inuusuttut sumiginnakkat tusaaneqarpiartanngitsullu nipeqartippaat.

Atuakkap atuakkiortut inuunerat atugaralugu inuusuttuuneq qanoq innerata paasisaqarfiginerunissaa siunertaraa. Saniatigut inuusuttut ajornartorsiutigisartagaat pillugit oqallittoqarnerulernissaa aamma siunertaavoq.

Ungdomsbureauet tassaavoq peqatigiiffik niuernermut atasoq, 2013-imili inuusuttut inuiaqatigiinni akuunerulernissaannik suliniuteqartoq. Peqatigiiffiup naleqartitai malillugit tamat oqartussaaqataanerat peqataanikkut nakussassarneqartarpoq.

Suliniutit ukua tamarmik ataatsimik siunertaqarput: Inuusuttut namminneq ajornartorsiutitik oqaasertalerlugit aalajangeeqataatinneqartassasut.