Support Greenland pillugu
Inuiaat kalaallit nammineq aalajangiisinnaatitaanerat tapersersorneqarnissaa siunertaralugu, Support Greenland-ip nunarsuup tamani inuinnaat peqatigiiffiillu ataatsimoortittarpai.
Kalaallit Nunaat ima tapersersortarparput
Ima tapersersuisarpugut
Support Greenland eqqissisimasumik ataatsimoortitsisarlunilu inuiaat kalaallit nunarsuarmi oqallittarnermi peqataatinniarlugit suliniuteqartarpoq.
Ima tapersersuineq ajorpugut
Kalaallit Nunaat sinnerlugu oqariartuuteqartanngilagut. Tamanna saniatigut politikkikkut aamma anguniagaqanngilagut. Inuiaat kalaallit siunissartik nammineq ilusilersorsinnaanissaat taamaallaat suliniutigaarput.
Naleqartitavut pingasut
Aalajangiisinnaatitaaneq
Kalaallit Nunaata siunissaa inuiaat kalaallit taamaallaat ilusilersorsinnaavaat.
Inatsit nunani tamani atuuttoq ataqqineqassaaq
Nunap suulluunniit nunap allap kiffaanngissuseqarnera ajortisaarsinnaanngilaa. Naleqartitap uumap nunat tamaasa pisinnaatitaaffii illersorpai – aamma illit pisinnaatitaaffitit.
Tamat oqartussaaqataanerat ataqqineqassaaq
Kalaallit Nunaanni innuttaasut tamarmik oqartussaaqataanissartik pisinnaatitaaffigaat. Inuiaat kalaallit, Kalaallit Nunaannilu politikkikkut qinerneqarsimasut, ataqqineqassapput.
Inuiaat tamarmik aalajangiisinnaatitaaneq pisinnaatitaaffigaat. Pisinnaatitaaffik una tunngavigalugu inuiaat tamarmik aningaasaqarnikkut, inuiaqatigiittut kulturikkullu nunartik inerikkiartorsinnaavaat.
Kalaallit Nunaat taamaallaat pineqanngilaq
Nunarsuatsinni naleqartitat tunngaviusumik pingaaruteqartitavut atuunnerat pineqarpoq: Inuit nammineq siunissartik ilusilersorsinnaassagaat, nunat killingi sioorasaarinikkut allanngortinneqarsinnaannginnerat taavalu tamat oqartussaaqataanerata pingaaruteqarnera.
Naleqartitat ukua Kalaallit Nunaanni ataqqineqanngippata, sumiluunniit ataqqineqarunnaarsinnaalissapput. Nunat minnerit akornanni aamma – inuiaat suulluunniit imminnut illersorsinnaanngitsut akornanni.
Malittarisassat inatsisillu nunanik minnernik illersuisut pineqarput. Tamat oqartussaaqataanerat aalajangiisinnaatitaanerallu pineqarput. Nunarsuaq qanoq ittumi inoorusunnerluta pineqarpoq.
Illit peqataanerit pingaaruteqarpoq.
Suliniutitta tunuliaqutaa
Support Greenland nunarsuatsinni sakkortuumik pisoqariasaarnera pissutigalugu pinngortinneqarpoq. Januaarip 17-ianni 2025 – amerikamiut aallartitaata Danmarkimut tikeraarneranni, Kalaallit Nunaallu tiguarniarlugu sakkortuumik sioorasaarisoqarnerani – inuit tuusintilikkuutaat illoqarfinni anginerni akerliussutsimik takutitsipput.
Peqatigiiffiit assigiinngitsut aallarniisuni ilaapput, assersuutigalugu: Uagut – Landsorganisationen for Grønlændere i Danmark, Inuit DK taavalu inuiaat suliniutaat ‘Hands Off Kalaallit Nunaat’.
Peqatigiiffiit ukua ActionAid Denmark suleqatigisimavaat akerliussutsimillu takutitsinermi oqariartuut paatsoorneqarsinnaanngitsoq oqariartuutigisimavaat: Kalaallit Nunaat tuniniagaanngilaq, nunarsuullu tamanna nakkutigivaa.
Akerliussutsimik takutitsisut Kalaallit Nunaanni, Danmarkimi nunarsuatsinnilu illoqarfinni assigiinngitsuni Erfalasorput allagartallu assigiinngitsut tigummillugit assilineqarsimapput. Ukiup issinnerpaaffiani nunarsuup tunngaviusumik naleqartitai – aalajangiisinnaatitaaneq, kiffaanngissuseq tamallu oqartussaaqataanerat – inuit tuusintilikkuutaat tapersersorsimavaat.
Ullut ikittuinnaat qaangiuttullu sakkutuulersornermik akitsuutinillu sioorasaarinerit unitsinneqarsimapput. Akerliussutsimik takutitsineq sunniuteqarsimavoq. Taamaakkaluartorli naleqartitat ukua illersorniarlugit oqariartuuteqarnerput uninnavianngilaq.
Oqariartuuterput, nunat assigiinngitsut akornanni ataatsimoortarnissaq taavalu inuiaat kalaallit nammineq siunissartik ilusilersorsinnaanissaat aallaavigalugit Support Greenland pinngortinneqarpoq.
Kalaallit Nunaat tapersersortigu.
Ullumikkut peqataalerit.