Inuinnaat pillugit Paasissutissaqarnermut Malittarisassat

Allatap Nutsernera Pillugu

”Privacy Policy” tuluttut allataq kalaallisuunngorlugu nutserneqarnikuuvoq. Arlaatigut kukkuneqassappat assigiinngissuseqassappalluunniit quppernerup tuluttoortaa atuutissaaq.

1. Paasissutissiineq

Quppernermi maani Support Greenland-ip nittartakkamini (supportgreenland.org) inuinnaat paasissutissaataannik katersisarnera paasisaqarfiginerusinnaavat. 

Support Greenland tassaavoq nunat assigiinngitsut akornanni inuiaqatigiinnilu Kalaallit Nunaata aalajangiisinnaatitaaneranik paasititsiniaasartoq.

Quppernermi maani Inuinnaat pillugit Paasissutissaqarnermut Malittarisassat

qanoq ingerlattarnerigut paasisaqarfigisinnaavat: Sooq illit pillutit paasissutissat katersortarnerigut, paasissutissat sumut atorneqartarnersut, qaqugukkut peerneqartarnersut taavalu illit pillutit paasissutissat pigisavut qanoq takusinnaaneritit. 

2. Paasissutissanik Aqutsisoq (Data Controller)

Supportgreenland.org-ip paasissutissaataannik aqutsisoq tassaavoq:

Uagut – Landsorganisationen for Grønlændere i Danmark

Skindergade 31, 1.
1159 København K
Danmark
E-mail: hello@supportgreenland.org 

Paasissutissat pillugit malittarisassavut paasisaqarfiginerusukkukkit, e-mail massuma qulaatungaaniittoq allaffigissavat. 

3. Inuinnaat pillugit Paasissutissat qanoq misissortarpagut

Inuinnaat pillugit Paasissutissat assigiinngitsutigut katersortarlugillu misissortarpagut. Assigiinngitsutigut taamaasiortarnerput massuma ataatungaani immikkut ittumik allaqqavoq. 

3.1 Nittartagarput Iserfigigaagakku

Paasissutissat suut katersorneqartarpat, suminngaanneerpallu?

Nittartagarput WordPress atorlugu sananikuuarput. W3 Total Cache atorlugu nittartakkap sukkassusaa pitsarsarneqartarpoq. Bunny CDN (Content Delivery Network) atorlugu nunat assigiinngitsunit nittartakkamut isertartut sullittarpagut. 

Isertartut pillugit paasissutissat nalinginnaasut ukua katersortarpagut:

• IP-adressit (maannakkuugallartumik katersortarpagut serverit CDN-illu paasisaqarfiginiarlugit)
• Browseri sorleq atorneqarnersoq
• Isertartut nittartakkamiinnerat qanoq sivisutigisarnersoq
• Nittartakkamut isertut sumiiffiat (IP-adressi CDN routingilu atorlugit sumiiffik paasineqartarpoq)

Nittartagaq ajunngitsumik ingerlanerussammat sukkassuseqarnerussammallu cookies pisariaqartut taamaallaat atortarpagut.  

Cookies pilerisaarinermut sumiiffimmillu paasiniaanermut misissuiumalluta atortanngilagut. 

Sooq paasissutissat misissortarpagut?

Paasissutissat missortarpagut:

• Nittartakkap ajunngitsumik ingerlanissaa isumannaatsuunissaalu anguniagaralugit
• Nittartakkap atornerlunneqannginnissaa anguniagaralugu
• Nittartagaq atorneqarluarnerussammat ajunngitsumillu sukkassuseqarnerussammat 
• Server-it nunat assigiinngitsuniittut aqqutigalugit nittartagaq imaqartarnissaa pimoorunniarlugu

Misissuisarnerput inatsisitigut tunngavia suua?

Paasissutissanik misissuisarnerput Immikkoortoq 6(1)(f) General Data Protection Regulation-imi (GDPR) atorneqartartumi tunngaveqarpoq. Nittartakkamut isertartut isumannaatsumik ingerlalluartumillu atuisarnissaat suliniutigaarput. 

Paasissutissat kimut ingerlateqqinneqartarpat?

Paasissutissat ukunanut ingerlateqqinneqartarput:

• Nittartakkamik ingerlatitsisunut – ingerlatsisoq paasissutissanik misissuisartuuvoq
• Bunny CDN (bunny.net), GDPR-imik malinnittuuvoq, taannalu Slovenia-mi CDN-imik ingerlatitsisuulluni. Taassuma paasissutissat EU/EEA-mi toqqortarpai. 

Ukua marluullutik paasissutissanik misissuisarnermut malittarisassat aqqutigalugit misissuisarput. 

Paasissutissat qanoq sivisutigisumik pigineqartarpat?

Nittartagaq isumannaatsumik ingerlanniarlugu paasissutissat ullut 90-it iluini serverini toqqorsisarfinni pigineqartarput. Tamanna kingorna paasissutissat peerneqartarput. 

Bunny CDN-ip isumannaatsumik ingerlatsiniarluni paasissutissat 48 tiimit iluini pigisarpai. 

3.2 Nutaarsiassanik Pisartagaqaleraangavit

Paasissutissat suut misissorneqartarpat, suminngaannerpallu?

RapidMail aqqutigalugu nutaarsiassanik pisartagaqaleraangavit, illit pillutit paasissutissat ukua misissortarpagut:

• E-mail adressit
• Qanga pisartagaqalersimanerlutit
• Nutaarsiassanik atuartarnerit pillugu (statistikkimut atugassat)

Paasissutissat sooq misissortarpagut?

Ukua siunertaralugit paasissutissanik misissuisarpugut:

• Kalaallit Nunaata aalajangiisinnaatitaanera taavalu Support Greenland-ip siliniutai pillugit nutaarsiassanik nassiussiniarluta
• Nutaarsiassat qasseriaq ammarneqarsimanerat statistikkikkut paasisaqarfigiumallugu
• Nutaarsiassat kikkunnut nassiunneqartarnersut tamannalu nittartakkami qanoq ingerlanneqartarnersoq pillugu paasiniaajumalluta

Paasissutissanik misissuinerup inatsisitigut tunngavia suua?

Inatsisitigut tunngavik tassaavoq GDPR-imi Immikkoortoq 6(1)(a). 

Nutaarsiassanik pisartagaqaleruit e-mail-ikkut paasissutissanik nassiussisarnerput akuerisarpat. Nutaarsiassanik pisartagaqarunnaaruit paasissutissanik misissuisarnerput taamaatinneqassaaq. Pisartagaqarunnaarneq linkip nassiussatta ataatungaaniittoq toorlugu pisarpoq. Toqqaannartumik aamma allaffigisinnaavatsigut.

Paasissutissat kimut ingerlateqqinneqartarpat?

Paasissutissat RapidMail aqqutigalugu misissorneqartarput. RapidMail tassaavoq nutaarsiassanik nassiussisarnitsinnik paasissutissanik misissuisartoq. RapidMail-ip ingerlatsisui Tyskland-imeerput, ingerlatsisullu GDPR-imut malinnituullutik. Illit pillutit paasissutissat tamarmik EU-p iluani toqqorneqartarput. 

Paasissutissat qanoq sivisutigisumik pigisarpagut?

Illit pillutit paasissutissat nutaarsiassanik pisartagaqartuunerpit tamaat pigisarpagut. 

Nutaarsiassanik pisartagaqarunnaaruit paasissutissat ingerlaannaq peerneqartarput. Taamaakkaluartorli paasissutissat pisartagaqalernerup aallartinneraneersut ukiut marluk pigisarpagut, naak pisartagaqarunnaarnikuugaluarlutit. Tamanna Danmark-imi Forbrugerombudsmand-ip malittarisassaani uppernarsaasarneranilu tunngaveqarpoq.  

3.3 E-mail-ikkut saaffiginnikkaangavit

Paasissutissat suut misissorneqartarpat, ukualu suminngaanneerpat?

E-mail-ikkut saaffiginnikkaangavit (hello@supportgreenland.org imaluunniit e-mail-it allatigut), illit pillutit paasissutissat ukua misissortarpagut:

• Illit e-mail-it
• Atit (nalunaarsimagukku)
• Qinnuteqaatip imarisai
• Illit pillutit paasissutissat nalunaarnikuusatit allat

E-mail-ikkut attavigineqaraangatta Proton Mail atortarparput.

Paasissutissat sooq misissorneqartarpat?

Ukua siunertaralugit paasissutissat misissortarpagut:

• Qinnuteqarnerit akiniarlugu
• Support Greenland-ip suliniutai pillugit attaveqaqatigiinneq
• Qinnuteqarnerup sukumiisumik suliarineqarnissaa

Paasissutissanik misissuinerup inatsisitigut tunngavia suua?

Inatsisitigut misissuineq GDPR-imi Immikkoortoq 6(1)(f)-ip soqutiginninnermi attaveqaqatigiinnermik tunngaveqarpoq. Soqutiginninnermi attaveqaqatigiinneq tassaavoq suliniuterput pillugu inuit attaviginnittut attaveqaqatigisarnissaat. 

Paasissutissat kimut ingerlateqqinneqartarpat?

Allatatit tamarmik Proton Mail-imi toqqorneqartarput. Proton Mail tassaavoq e-mail Schweiz-imeersoq avataanit iserfigineqarsinnaanngitsoq. Proton Mail paasissutissanik misissuisarpoq, taannalu Schweiz-imi Paasissutissiinikkut Sillimaniarnissamut Inatsisitigut nakkutigineqartarluni. 

EU Kommissionip tamanna akuerinikuuaa.

Apeqqutigerusutat pillugu akigaangatsigit, paasissutissat taamaallaat allanut ingerlateqqinneqartarput. 

Paasissutissat qanoq sivisutigisumik pigineqartarpat?

E-mail-ikkut attaveqaqatigiinnermi allatatit ukiut marluk tungaannut pigineqartarput. Ukiut marluk kingorna peerneqartarput, pisariaqaraangalli sivisunerusumik pigineqarsinnaasarlutik (Assersuutigalugu: Ataavartumik attaveqaqatigiinnermi imaluunniit pisariaqartumik uppernarsaassagutta)

4. Pisinnaatitaaffitit

GDPR naapertorlugu pisinnaatitaaffitit qaqugukkulluunniit atorsinnaavatit: 

• Qimerloornissamut pisinnaatitaaffik: Illit pillutit paasissutissat pigisatta takunissaat pisinnaatitaaffigaat.
• Naqqiinermut pisinnaatitaaffik: Illit pillutit paasissutissat pigisavut kukkuneqarpata eqqunngitsuuppataluunniit allanngortinnissaat pisinnaatitaaffigaat.
• Peerneqarnissamut pisinnaatitaaffik: Illit pillutit paasissutissat pigisavut inatsisitigut tunngaveqanngippata peerneqarnissaat pisinnaatitaaffigaat.
• Paasissutissanik misissuinermut pisinnaatitaaffik: Misissuineq pillugu isumaqatigiinnginnerit aaqqinneqarnissaata tungaanut, illit pillutit paasissutissanik misissuisarnerput unitsinneqarnissaa pisinnaatitaaffigaat
• Paasissutissanik tunineqarnissamut pisinnaatitaaffik: Illit pillutit paasissutissat pigisavut tamarmik allaganngorlugit takunissai pisinnaatitaaffigaat.
• Maalaaruteqarnissamut pisinnaatitaaffik: Soqutiginninnermi attaveqaqatigiinnikkut illit pillutit paasissutissanik misissuisarnerput pillugu maalaaruteqarnissat pisinnaatitaaffigaat.

Pisinnaatitaaffitit atorusukkukkit toqqaannartumik hello@supportgreenland.org aqqutigalugu attavigissavatsigut. 

Pisinnaatitaaffitit paasisaqarfiginerusukkukkit datatilsynet.dk (Danmark-imi Paasissutissiinikkut Sillimaniarnissamut Ingerlatsivik) iserfigissavat.

5. Maalaaruteqarusukkuit

Paasissutissanik misissuisarnerput pillugu maalaaruteqarusukkuit attavigisinnaavatsigut.

Attavissaq immikkoortoq 2-mi qulaatungaani takuneqarsinnaavoq. 

Sullinneqarnerit pillugu maalaaruteqarusukkuit, Danmark-imi Paasissutissiinikkut Sillimaniarnissamut Ingerlatsivik (Datatilsynet) attavigalugu maalaaruteqarsinnaavutit.

Datatilsynet (Danmark-imi Paasissutissiinikkut Sillimaniarnissamut Ingerlatsivik)

Carl Jacobsens Vej 35

2500 Valby

Danmark

E-mail: dt@datatilsynet.dk

Nittartagaq: www.datatilsynet.dk

6. Inuinnaat pillugit Paasissutissanut Malittarisassat allanngortinneqartarnerat

Pisariaqaraangat malittarisassat quppernermi maani allaqqasut allanngortittarpagut. Tamanna paasissutissanik misissuisarnerput pillugu eqqortumik paasissutissiiniarluta pisarpoq. 

Tunngaviusumik allanngortitsinerit nittartakkakkut nalunaarutigineqartarput. 

Malittarisassat maannakkut atorneqartut kingullermi februaarimi ukioq 2026 allanngortinneqarput.