Kalaallit Nunaat Siullermeerluni Skills Denmark-imi Immikkuullarissumik Peqataasoq
Inuussutissarsiornermik ilinniartut Kalaallit Nunaanneersut siullermeerlutik Skills Denmark-imi peqataapput – Issittumi assassortariaatsit kulturilu peqataasunut takutippaat.
Kalaallit Nunaata takutitsivianut aqqusaartut kalaallit inuussutissarsiornermik ilinniartut Danmark-imut naleqqiullugu allaaneroqisumik sulisarnerat takusinnaasimavaat.
Nuna qerisumi qanoq illuliortoqarsinnaasoq kiisalu minus 40 gradinik ississinnaasumi snescooterinik nutarterineq ilaatigut takutinneqarput – kalaallit piginnaasaat immikkuullarissut Kalaallit Nunaata silaannaanut tulluarsakkat.
Kalaallit sanasutut ilinniartuisa Kalaallit Nunaanni Danmark-imut naleqqiullugu sananeq qanoq allaanerutigisoq takutippaat. Danmark-imi qarmasissiat toqqaviillu nalinginnaasut atorneqartarput. Kalaallit Nunaannili nuna qerisumi, ississinnaasartumi illoqarfiillu imminnut avissaaqqasuni sanasoqartarpoq. Taamatut sananeq imaannaanngitsorujussuusinnaasarpoq.
“Kalaallit inuussutissarsiornermik ilinniartut piginnaasatik taamaallaat nassanngilaat – namminneq inuunerminni aqqusaarsimasatik aamma nassarpaat. Tamanna qallunaat inuusuttortaannut inuinnarnullu allaaneroqisumi suleriaaseq takutippaa. Taamatut kalaallit qallunaallu akornanni imminnut alapernaanneq nukittorneqarpoq.”
Kalaaleq snescooterinut mekanikeritut ilinniartup Issittumi motorit qanoq atorneqartartut takutippaa. Iganermik ilinniartut kalaallit nerisassiornermi ileqqutoqaat takutippaat, assersuutigalugu ulu qanoq atorneqartartoq, ilaatigullu aqqusaartut umimmaap, puisip kiisalu tuttup neqaanik ussertittarsimallugit.
Tamanna saniatigut aqqusaartut kalaallit sapakkerisarnerat takusinnaasimavaat, kiisalu qalipaanermik niuernermillu ilinniarneq ilikkagaqarfigisinnaasimallugit.
“Piffissaq inissisimaffigisatsinni Kunngeqarfik Danmark nunarsuatsinni eqqartorneqaqaaq, taamaattumillu qallunaat kalaallillu ilinniartui naapissinnaanerat avitseqatigiissinnaanerallu assut pingaaruteqarpoq. Kalaallit Nunaata Skills Denmark-imi pimoorussilluni peqataanera assut nuannaarutigaarput.”
Latest Updates
