Arfininngormat akerliussutsimik takutitsinerit allanngueqataasut

”Nuummi pisoqataasut, qiianartumi Rådhuspladsen-imi København-imi peqataasut, nunarsuarmilu tamani Erfalasorput paaralugu akerliussutsimik takutitseqataasut – Danmarkimi, Kalaallit Nunaanni Canada-milu – allanngueqataanikuuvusi. Ataatsimoorluta inuit pisinnaatitaaffii, demokratii inuiaallu nipaat ataqqillugit ersarissumik oqariartuuteqarpugut,” Uagut-imi siulittaasoq Support Greenlandimillu aallarniisoq, Julie Rademacher, oqarpoq.

Arfininngormat akerliussutsimik takutitsinerup puigorsinnaanngisarput una erseqqisarpaa: Ataatsimoorneq pissaaneqartunit nukittuneruvoq. Europa-p illoqarfiisa anginerni Erfalasorput allagartallu ”Greenland is not for sale” tigummillugit assilitissimasut nunarsuup tamani takuneqarsimapput. Tamanna Trump-imut takutitaqarpoq: Amerikamiut, europamiut kalaallillu akornanni ataatsimoornerup kiffanngiissuseq demokratiilu nukittorpai.

Maannakkut uniinnarnavianngilagut

”Naak akitsuutit sakkutuulersornerillu untsinneqarsimagaluarlutik, uagut maannakkut uniinnapajussinnaanngilagut. USA-p præsidentiata ukiut arfineq pingasut iluini – tiimillu ataatsip oqalugiarnerata iluani – Kalaallit Nunaannik tiguaaniarnini imatupajaarsuaq allanngortinnavianngilaa. Soorunami neriuutigaarput, ilimananngilarli. Maannakkut sinilluarsinnaanngorpugut, naak upalungaarsimasariaqaraluarluta. Politiikerivut tatigalugit qujaffigalugillu demokratii pillugu paasititsiniaassaagut,” Julie Rademacher oqarpoq nangillunilu.

”Aalassanneq ajunngitsumik allamik aamma kinguneqarsimavoq: Qallunaat kalaallillu imminnut qanilliallassimapput. Tamanna attortinnarpoq, saammaateqatigiinnerlu taanna attatiinnassavarput. Uagut taamaallaat pineqanngilagut – akisussaaffimmik tigusilluta kinguaavut ataqqillugit aamma saammaateqatigiissaagut.”