Politikerit innuttaasullu Kalaallit Nunaat Issittorlu pillugit oqaloqatigiinneq pingaaruteqartumi peqataasut
Kalaallit Nunaat, Issittoq sillimaniarnermullu politikki ukiormanna Folkemødertoqarnerup nalaani eqqartorneqaqaat – isiginnaartitsisarfimmi aqqusinermilu.
Folkemødet tassaavoq Danmark-imi tamat oqartussaaqataanerat nalliuttorsiorniarlugu festivali. Ukiormut ataasiarluni Folkemødertoqartarpoq, festivalilu ullut pingasut iluini Bornholm-imi ingerlanneqartarpoq.
Folkemøde-mi politikerit, peqatigiiffiit, suliffeqarfiit innuttaasullu piffissaq inuuffigisatsinni eqqartukkat pingaaruteqarnerpaat eqqartortarpaat: Kulturi, atugarissaarneq kiisalu geopolitikki sillimaniarnerlu.
Support Greenland ukiormanna festivalimi peqataavoq, aalajangiisunit inuinnarnillu tapersersorneqarnini assut nuannaarutigaa.
Danmark-imi Statsministeri Mette Frederiksen-ip oqalugiarnerata kingorna, ukiormanna oqallinneq siulleq ingerlanneqarpoq. Tassani naalagaaffeqatigiiffik Kunngeqarfimmilu suleqatigiinneq eqqartorneqarput. Kalaallit Nunaata Issittullu pingaaruteqarluinnarnerat tamanna takutippaa.
Oqallinnerup nalaani Support Greenland-ip pisortaata, Julie Rademacher-ip, Kalaallit Nunaat Issittorlu pillugit Danmark-imi, Europa-mi nunarsuarmilu paasissutissiisoqartarnera erseqqissarpaa.
Politikerit assigiiinngitsut oqallinnerni ataatsimiinnernilu peqataapput, tassanilu Support Greenland-ip Kalaallit Nunaata aalajangiisinnaatitaaneranik illersuinera tapersersorneqarluarpoq.
Julie Rademacher-ip EU-kommissær Dan Jørgensen kiisalu geologi Minik Rosing aamma oqaloqatigivai. Oqaloqatigiinnerat Europakommission-ip tupiani ingerlanneqarpoq.
Dan Jørgensen-ip ukiormanna januaarimi nunarsuarmi geopolitikkikkut aalassattoqarnerani EU-p iliuuseqarnera eqqartorpaa. Ilaatigut EU-mi nunat ilaasortat tapersersuinerat aamma eqqartorpaa.
Misiginikuusatta takutippaa ataatsimoornikku iliuuseqarsinnaasugut
Folkemødet-imi Danmark-ip, Kalaallit Nunaata EU-llu atassuteqarnerat pillugu puigunaatsumik oqaloqatigiinnitsinnut qujanaq – kiisalu ataatsimoortitsisut pillugit oqaloqatigiinnitsinnut qujanaq.
Support Greenland-ip suliaqarnera pillugu tapersersuisoqarnera assut nuannaarutigaarput.
Ulluni taakkunani oqaloqatigiinnerit pingaaruteqarluinnartut isummersornartullu maannakkut eqqartulereerpagut.
Latest Updates
