Kalaallit Nunaat tapersersorparput
Kalaallit peqatigiiffii Kalaallit Nunaat tapersersorniarlugu akerliussutsimik takutitsisoqarnissamut qaaqqusipput.
Uagut – Kalaallit Danmarkimi Najugallit Peqatigiiffiat, innuttaasut pilersaarutaat ’Hands Off Kalaallit Nunaat’ aamma Inuit – Danmarkimi Kalaallit Peqatigiiffiisa Ataatsimut Peqatigiiffiat, Mellemfolkeligt Samvirke suleqatigalugu København-imi, Aarhus-imi, Aalborg-imi, Odense-milu akerliussutsimik takutitsisoqarnissamut qaaqqusipput.
Akerliussutsimik takutitsinerit tamarmik arfininngorpat – januaarip 17-ianni 2026 – amerikamiut aallartitaat Danmarkimut tikeraarnerannut atatillugu ingerlanneqassapput. Akerliussutsimik takutitsinermi demokratii inuillu pisinnaatitaaffii aallaavigalugit Kalaallit Nunaata kiffaanngissuseqarnera ataqqeqqullugu ataatsimut oqariartuuteqarnissarput siunertaraarput. Akerliussutsimik takutitsinerit eqqissisimasumik ingerlanneqassapput. Tapersersuiumasut tamarmik tikilluaqqusaapput.
”Ulluni kingullerni pisut Kalaallit Nunaat aamma inuiaat kalaallit nunatsinni Danmarkimilu najugallit sakkortuumik sunnernikuuaat. Taamaattumik maannakkut ataatsimoornissamut kaammattuuteqarpugut. Aaqqiagiinngittoqartillugu ernumalersarpugut, ilaatigullu ajornartorsiutinik pinngortitsisoorsinnaasarluta. Kalaallit nunatsinni Danmarkimilu najugallit ataatsimoornissaat kaammattuutigaarput.”
”Amerikamiut Kalaallit Nunaat tiguarniarlugu pilersaarutaat pillugu akerliussutsimik takutitsiniarpugut. Naalagaaffeqatigiiffiup Kalaallit Nunaatalu kiffaanngissuseqarnissaata ataqqineqarnissaat piumasaraarput. Neriuppugut takutissinnaassallugu amerlasuujulluta Kalaallit Nunaat tapersersoripput,” Camilla Siezing, Peqatigiiffik Inuit-imi siulittaasoq oqarpoq.
”Avatitsinnit qunusaarneqaraangatta ataatsimoornissarput naalagaaffeqatigiiffimmilu kalaallit siunissami namminneerlutik aalajangiisinnaatitaanissaat pillugit tapersersuinissarput pisariaqarluinnarput. Neriuppugut inuppassuit akerliussutsimik takutitsinitsinni peqataarusussinnaassasut, amerikamiut nunarsuullu sinnera tamaat naalagaaffiit innuttanut pisussaaffii suli atuuttut takunerussammassuk,” Tim Whyte, Mellemfolkeligt Samvirke-mi generalsekretæri oqarpoq.
”Avatitsinnit qunusaarneqaraangatta ataatsimoornissarput naalagaaffeqatigiiffimmilu kalaallit siunissami namminneerlutik aalajangiisinnaatitaanissaat pillugit tapersersuinissarput pisariaqarluinnarput. Neriuppugut inuppassuit akerliussutsimik takutitsinitsinni peqataarusussinnaassasut, amerikamiut nunarsuullu sinnera tamaat naalagaaffiit innuttanut pisussaaffii suli atuuttut takunerussammassuk.”
”Ulluni makkunani ataatsimoornissarput suleqatigiinnissarpullu pisariaqarluinnarput. Kalaallit Nunaata kiffaanngissuseqarnissaa ataqqineqartariaqarpoq, kalaallillu inuiattut ataqqineqartariaqarlutik. Piumasaqaat una Kalaallit Nunaannut nunarsuarmullu atuuppoq,” innuttaasut pilersaarutaannik ”Hands Off Kalaallit Nunaat”-nik aallarniisoq Poul Johannesen oqarpoq.
Peqatigiiffik Uagut pillugu
Peqatigiiffik Uagut kalaallit kinaassusaat Danmarkimilu ataatsimoornerulernissaat suliniutigai. Kalaallit akornanni attaveqarfiliortuuvugut, pisinnaatitaaffitsinnik kulturitsinnillu illersuisuulluta. Nuna tamakkerlugu peqatigiiffittut kalaallit ataatsimut nipeqartillugit akunnermiliuttutullu suliniuteqarpugut.
Peqatigiiffik Inuit pillugu
Peqatigiiffik Inuit tassaavoq kalaallit Danmarkimi najugallit peqatigiiffiisa 20-iusut ataatsimut peqatigiiffiat. Peqatigiiffiup juullimi nunatsinnut inuulluaqqusineq, ’Tusariarlinngooq’ (TUSA) aamma Ilaqutariit Ulluat ingerlattarpai. Peqatigiiffik 1974-imi tunngavilerneqarpoq.
Mellemfolkeligt Samvirke pillugu
Mellemfolkeligt Samvirke tassaavoq peqatigiiffik naapertuilluarneq siunertaralugu suliniuteqartoq. Mellemfolkeligt Samvirke-p nunarsuaq immikkoortitsinertaqanngitsoq, silaannaap pissusaa aamma piitsuussuseqannginnissaq suliniutigai. Tamanna Danmark-imi nunanilu assigiinngitsuni 45-ini suliniutigaarput.
Nutaanerpaat
